IGNOTUS Deus

IGNOTUS Deus

nomen erat Dei, cu Arabes, Diis suis quos notos habebant diffisi, aras suas dedicavêrunt, teste Giraldo Syntagm. 17. Idem Athenienses fecisse, non Paus. solum in Atiic. sed et Lucas in Actis Apost. c. 17. v. 23. docet. Cuius rei occasio secundum quosdam haec fuit. Philippidr Atheniensium ad Lacedaemonios auxiliorum causâ contra Persas legato horribile spectrum se obrulit, quod cum se ab Atheniensibus neglectum, aliosque Deos ab its cultos, graviter conquestum esset; opem promptam pollicitum est, si et sibi sacra fecissent. Quare victoriâ obtentâ Arhemenses, ne in posterum Numen hoc iratum sibi haberent, templum aramque erexêre, cum epigraphe: Α᾿γνώςτῳ Θεῷ Ignoto Deo. Alii dicunt, cum gravissimâ peste graslante Athenienses frustra Deorum sibi cognitorum opem precibus sollicitâslent, ratos malum sibi ab aliquo sibi ignoto fuisse immissum, erexisse altare, eique inscripsisse: Θεοῖς Α᾿σιας καὶ Ε᾿υρώπης καὶ Λιβύης, Θεῷ Α᾿γνώςτῳ καὶ ξένῳ, Diis Asiae, Europae et Libyae, Deo ignoto et peregrino, Iustin. Martyr, Oecumen. etc. Vide Fr. Rossaeum Archaeol Attic. l. 2. c. 1. Nec Athenis se Numinis huius cultus continuit, sed in viciniam longe lateque se diffudit: Unde vicinas gentes Νὴ τὸν εν Α᾿θήναις ἄγνωςτον, Per ignotum Atheniensium Deum, iurare solites fuisse, docet Lucian. in Philopatride. Etiam Romae quid simile. Tertullian. adv. Marcion. l. 1. c. 9. Invenio plane ignotis Deis aras prostitutas: sed Attica idololatria est. Item Incertis Deris, sed superstitio Romane est. Burdigalae item in Gallia, ubi aram Ignoti Dei fuisse, docet Martial. Ep. Ep. ad Burdegal. c. 3. etc. Aurelian. Ep. Leovicensis vitâ S. martialis. Vide Ioh. a Wower et Geverh. Delmenhorst ad Minuc. Fel. ubi Ignota Nununa et Manes Caecilius iungit, non sine ratione, adnotante Rigaltio etc. Plura hanc in rem vide supra, ubi de Idoloatriae incunabulis. Quomodo autem occasione huius inscriptionis, quam Athenis in ara quadam Ap. Paulus deprehendit, hic incolas ad veri Dei notitiam pertraxerit, vide Act. c. 17. v. 23. Simile quid quod in Terraemotibus incerto ac innominato Numini sacrificatum legimus, uti dicemus infra in voce Neptunus. Vide quoque Quisquis es. De Ignotorum hominum, origine, ad caelum Terram que olim a Gentilibus relatâ, habes aliquid lemmate, Terrae filius.